មើលឲ្យដឹង តាមពិតគាត់គ្រាន់តែចង់ធ្វើជាមិត្តយើងប៉ុណ្ណោះ
ដោយសារស្រឡាញ់ យើងខំធ្វើល្អនឹងមានអារម្មណ៍ល្អៗទៅគាត់ហើយគិតខុសថាគាត់ក៏មានអារម្មណ៍ដូចយើងទាំងតាមពិតមិនមែនសោះ។ ស្រីៗ! អ្នកប្រាកដជាមិនចង់ជួបស្ថានភាពបែបនេះទេមែនទេ? បើអញ្ចឹង អ្នកត្រូវរៀនសង្កេតកុំឲ្យខកចិត្តពេលក្រោយ។
១. មិនលេងសារជាមួយយើងច្រើនទេ៖ គ្រប់បុរស បើគេមានចិត្តមកលើយើង គេនឹងផ្ញើសារមកមិនលស់ថ្ងៃទេ ហើយតែងបង្ហាញការយកចិត្តទុកដាក់ និងបារម្ភជានិច្ច។
២. យើងជាអ្នកបបួលមុនជានិច្ច៖ ពេលចង់ដើរលេងទៅនេះទៅនោះ មានតែយើងទេដែលតែងសួរគេទំនេរពេលណា ឬថ្ងៃណាជាដើម។
៣. គាត់ឲ្យអត្ថិភាពលើការងារមុន៖ បើគាត់រវល់ គាត់នឹងធ្វើការងារនោះឲ្យហើយទើបមានពេលមកជួបយើង។
៤. គេនិយាយពីមនុស្សដែលគេចូលចិត្ត៖ បើគេស្រឡាញ់យើងមែន គេនឹងមិននិយាយរឿងអស់នេះទេ។ មនុស្សប្រុសចែករំលែករឿងបែបនេះតែជាមួយមិត្តភ័ក្តិប៉ុណ្ណោះ។
៥. ប្រាប់ថាយើងជាមិត្តល្អរបស់គាត់៖ ចំណុចនេះគឺច្បាស់ជាងគេបំផុតហើយ។ បើមនុស្សមានចិត្តលើគ្នា គេនឹងជៀសវាងមិននិយាយត្រឹមចង់ធ្វើជាមិត្តល្អអីបែបនេះទេ៕
មតិយោបល់