ស្រីៗត្រូវដឹងរឿង ៩ យ៉ាងនេះពីបុរសសិន មុនសេពគប់គ្នាជាសង្សារ
មុនទទួលយកបុរសណាម្នាក់មកធ្វើជាសង្សារ យើងគួរស្វែងយល់ឲ្យដឹងច្បាស់ពីរឿងទាំងនេះសិន ព្រោះកុំឲ្យស្ដាយមានចិត្តថ្នាំងថ្នាក់ ក្រោយពេលលង់ចិត្តដកមិនរួច។ រឿង ៩ យ៉ាងនេះត្រូវដឹងឲ្យឆ្អិនសិន មុនស្រលាញ់គ្នា៖
១.ចំណុចត្រូវដឹងដំបូងបំផុតនោះ គឺយើងមិនអាចកែប្រែអ្វីគាត់បានច្រើនឡើយទាំងទម្លាប់,អត្តចរិត, និងចំណង់ចំណូលចិត្ត។ ព្រោះស្រីៗក្រោយមានឈ្មោះជាសង្សារនឹងគ្នា តែងតែព្យាយាមកែប្រែបុរសនូវចំណុចទាំងនេះ។
រូបតំណាង
២.មនុស្សប្រុសមិនអាចចោលគ្រួសារ និងមិត្តភ័ក្ដិបានឡើយ ដូចនេះកុំព្យាយាមដាក់សម្ពាធឲ្យគេជ្រើសរើសរវាងយើង ហើយនឹងមនុស្សនៅជុំវិញខ្លួនគេ។ ព្រោះចម្លើយដែលស្ដាប់ឮ អាចមានការអន់ចិត្តក៏ថាបាន។
៣.ត្រូវដឹងថាសង្សារតែងប្រច័ណ្ឌ ពេលឃើញយើងនៅស្និទ្ធស្នាលជាមួយមិត្តភ័ក្ដិប្រុសៗ តែពេលយើងសួរគេ ថាប្រច័ណ្ឌអត់ ចម្លើយប្រាកដថា "អត់ទេ"។
៤.បុរសពូកែសម្គាល់ណាស់ ហើយបើយើងមិនពាក់អ្វីគេទិញឲ្យ ទោះម្ដងក្តី ពីរដងក្ដី គេនឹងសរុបរឿងនោះនៅពេលណាមួយដែលយើងមានសម្ដីតូចធំដាក់គេ។
៥.បើរស់នៅជាមួយគ្នាលើសពី៣ ឆ្នាំ មនុស្សប្រុសលែងចង់រៀបការជាមួយយើងហើយ ព្រោះគេឆ្អែតឆ្អន់ និងអាចលួចមានស្រីផ្សេងទាំងរូបសម្រស់អន់ជាងយើងក៏ថាបាន។
៦.មនុស្សប្រុសមិនចូលចិត្តទាយរករបស់ ឬរឿងអ្វីមួយឡើយ តែគេចង់ឲ្យយើងប្រាប់គេត្រង់ៗតែម្ដង។
រូបតំណាង
៧.បុរសភាគច្រើនស្រលាញ់សង្សារកាន់តែខ្លាំងដោយសារសក់វែង។ បើពេលយើងកាត់ខ្លី ហើយសួរថាស្អាតអត់? គាត់ប្រាកដជាឆ្លើយថាស្អាត តែជាការឆ្លើយទាំងមិនមើលមុខ។
៨.កុំសរសើរបុរសផ្សេង ឬមិត្តភ័ក្ដិនៅចំពោះមុខមិត្តប្រុស ព្រោះគេមិនចូលចិត្តឡើយ ហើយថែមទាំងគិតថាយើងប្រហែលជាលួចស្រលាញ់ម្នាក់នោះទៀតផង។ មួយវិញទៀតគាត់អាចគិតថា គាត់មិនដល់គេ។
៩.ទោះជាចង់បង្ហាញថាយើងស្មោះត្រង់ និងគ្មានរឿងលាក់លៀម ដោយរំលឹករឿងអតីតសង្សារឲ្យគេដឹងឮ នោះជារឿងខុសឆ្គងទៅវិញទេ៕
ប្រភព៖ kanha
មតិយោបល់