ប្រយ័ត្នឲ្យមែនទែន! ពេលមានផ្ទៃពោះ ស្រ្តីជាម្តាយធ្វើយ៉ាងណាកុំឲ្យកើតជំងឺទាំងនេះឲ្យសោះ
វាជារឿងពិបាកមួយសម្រាប់ស្ត្រីមានផ្ទៃពោះ ដោយសារតែមានការបង្ករោគខ្លះអាចប៉ះពាល់ដល់ម្តាយ និងកូនក្នុងផ្ទៃ។ អ្វីដែលជាបញ្ហានោះ គឺការបង្ករោគទាំងនេះអាចនឹងផ្តល់ផលវិបាកច្រើនក្នុងពេលមានផ្ទៃពោះ ហើយប៉ះពាល់ដល់ទារកនៅក្នុងផ្ទៃថែមទៀត។
សម្រាប់ស្ត្រីមានផ្ទៃពោះពិតជាងាយនឹងឆ្លងជំងឺណាស់ នេះដោយសារតែភាពទន់ខ្សោយនៃប្រព័ន្ធភាពស៊ាំសម្រាប់ការពារមនុស្សពីរនាក់ក្នុងពេលតែមួយ។ នៅពេលឆ្លងជំងឺ វាអាចនឹងមានផលវិបាកធ្ងន់ធ្ងរជាច្រើនដូចជា រលូតកូន កូនកើតមិនគ្រប់ខែ កូនស្លាប់ក្នុងផ្ទៃ កូនកើតមកខ្វះអវៈយវៈ និងម្តាយស្លាប់ជាដើម។ ដូច្នេះខាងក្រោមគឺជាការបង្ករោគមួយចំនួនដែលស្ត្រីមានផ្ទៃពោះត្រូវតែមានភាពប្រុងប្រយ័ត្ន និងព្យាយាមកុំឲ្យកើតជំងឺនេះ៖
• ជំងឺរលាកថ្លើមប្រភេទ B, C
• ជំងឺកាមរោគ
• ជំងឺអុតស្វាយ
• ជំងឺប៉េសប្រដាប់ភេទ
• កញ្ជ្រឹល ឬស្អូច
• ការបង្ករោគនៅផ្លូវទឹកម៉ូត្រ
• ជំងឺបង្កឡើងដោយបាក់តេរី Group B Streptococcus
ការប្រុងប្រយ័ត្ន និងការព្យាបាល
- ធ្វើយ៉ាងណាអាចកើតជំងឺមួយចំនួនឲ្យហើយមុនពេលមានផ្ទៃពោះ ដូចជាកញ្ជ្រិល ស្អូច អុតស្វាយ តាមដានរោគសញ្ញា និងពិនិត្យសុខភាពជាទៀងទាត់
- ចៀសវាងការរួមភេទជាមួយដៃគូមានជំងឺ
- ចូរប្រាកដថា គ្រូពេទ្យមិនបានប្រើប្រាស់ឧបករណ៍ និងសឺរ៉ាងដែលធ្លាប់ប្រើជាមួយអ្នកជំងឺពីមុនៗឡើយ
- ចំពោះការប្រើប្រាស់ថ្នាំផ្សះដើម្បីព្យាបាលក្នុងពេលមានផ្ទៃពោះ ត្រូវតែមានការណែនាំឲ្យច្បាស់ពីគ្រូពេទ្យជំនាញ និងជ្រើសរើសថ្នាំណាដែលមិនប៉ះពាល់ដល់កូនក្នុងផ្ទៃ - បើសិនជាកំពុងតែមានការបង្ករោគនៅផ្លូវទឹកម៉ូត្រ ចូរព្យាយាមញ៉ាំទឹកឲ្យបានច្រើន តែបើសិនជាអាការរបស់វាកើតឡើងជាប់ច្រើនជាងពីរថ្ងៃ ចូរពិគ្រោះជាមួយគ្រូពេទ្យភ្លាម៕
ប្រភព៖ kanha
មតិយោបល់